Humor Batak Lawak Terbaru, Busesaon Naeng Mandai Pulut Ni Inang Bao

Disada huta adongma 1 amatta jala 7 ma ianakkonna (attar biasado jolma najolo torop pinopparna) dinasahali tarbereng ni amatta onma inang baona tarpodom, memang inang baonaon poso dope jala ulido memang rupana.

Hape dinamodom inang baona on ranggangma hae-haena,! mulai siani gabe marsahitma manang tarhirim amattai, jala posi situtudo sahitnai. Nga loja istrina dohot keluarga paubatton tu medis dohot tunamalo, alai didok dokter ima, dang adong sahitni amattaon, alai nangpe songoni apala burju ma nian disukkun sinonduk naon amattai jala dielek-elek jala ninnama :

Istri: " eeh amangni gellekku asi majo roham marnida au, nga tung loja au paubathon ho, nga suda tano maraek dohot tano mahiang holan parsiubatmu alai sahitmu dang marnamalum, molo na adongdo giot ni roham amang paboa majolo atik boha natarhirim doho" ninna inattai huhut sai tumatangis, jadi dang tartahan ni amattaon be mamereng inattai gabe dipaboa ma.!

Amatta: " weh..,inang ni gellekku adongdo nian sada giotni rohakku alai molo hupaboa maila au jala mabiar au muruk ho annon tu au da inang"

Inatta: "daong amang, ... paboa ma ahado nasolot dibagas roham dang pola muruk au daripada gabe mate roa ho amang"

Amatta: "nahea do tarbereng au hae-hae ni nasida inang bao massai bottar, gabe sai marangan-angan au, mulai siani ma bossir ni sahitton" ninna amattaon ma. Gabe hohomma inattai jala laos lao ma ibana manjuppangi edana manang inang bao ni amatta on laos dipatolhasma hatani suamina on.

Mambege namasai gabe diloppa edana onma sipulut 2 macam, ima : sipulut nabirong dohot nabottar, laoma halaki mandulo amattai, gabe maila situdo amattai mamereng inang baonai, alai boha bahenon nungnga tung sahit jala hisap ni amatta natarlobi. Jadi dilean inang baona on ma sipulut namasak manang lomang nakaning tu amattai, alai parjoloma dilean sipulut nabirongi, jala ninnama :

Inang bao: "pangan hamuma amang sipulut on" dung sae dipangan disukkun inang baona ma muse.

Inang bao: "tabo do diallang hamu sipulut nabirong i amang?

Amatta: "tabo situtu do inang" ninna amatta on. Dilean ma muse sipulut nabottar jala disuru asa dipangan, dungi disukkun inang baonaon mamuse.

Inang bao: "dia do uttabo dihilala hamu amang, sipulut nabirong dohot nabottar on?

Amatta; "sarupa do tabona hudai inang bao" ninna amattai mangalusi. Jadi didok inang bao nama muse,

Inang bao; "attong molo songoni amang molo sarupa do daina didok hamu, songonima tong nabinereng munai, namambaen marsahit hamu, sarupado taboni nabottar dohot nabirong.! jadi unang pola sai sukkun-sukkun rohamuna tu nabinereng munai da amang.! " ninna inang baona on. Dirimangi amattaon ma hata ni inang baona naulion, bah tahe ido hape tutu ninna rohana, gabe malum ma sahit sian pamatangna nangpe dang sanga dope didai amantai nabinerengna i .! .

Hahahaha... Horas